نه وار
نه وار
هئچ منی آختاریب بیرجه سورمادین
اوزاق دییرم کی گلمه یه نه وار
چوخلو یولون دوشور بیزیم شه هه ره
بیر دفه ده گلیب گورمه یه نه وار
واختین اولمور،ایشین اولور قاچا قاچ
هئچ اولماسا تلفونونو ،گوتور ،آچ!!!
منله دانیش اوره ییمه ایشیق ساچ
بیر آز دانیشماقا گولمه یه نه وار
یادین شیمشک اولوب سینه مه شاخیر
حسرتین قلبیمی یاندیریب یاخیر
کدردن اوره ییم باغلاییب پاخیر
بیر گلیب کدرین سیلمه یه نه وار
یوللار اوزاق اولدو گله بیلمه دین
آرادان آیریلیق یولون سیلمه دین
گونلر اؤتدو بیر یانیما گلمه دین
گئجه لر یوخوما گیرمه یه نه وار
آذر! هئچ کیم سنی یادا سالماسا
وفالی یولداشین ایه ر اولماسا
محبت یولوندا یارین قالماسا
بوجاق دا اوزانیب اولمه یه نه وار
شیردل(آذر)